Monday 11th of December | २०७४ मङ्सिर २५ सोमबार

न्यूज अभियान
हरेक खबर विशेष खबर

‘फिल्म खेल्न पाएर खुशी छु’ म्यान्मार राजदुत

न्यूजअभियान | प्रकाशित मिति : २०७४ मङ्सिर ३ आइतबार
newsabhiyan
newsabhiyan

काठमाडौं, ३ मंसिर । नेपालका लागि म्यान्मारका राजदुत यु लिउन ऊ कार्यकाल सकिएर विदा भएका छन् । विदाई समारोहमा राजदुत लिउनले भुकम्पको कथामाथि बन्दै गरेको फिल्म ‘नीरफूल’ खेल्न पाएकोमा खुशी प्रकट गरे ।

संचारकर्मी फूलमान वलले निर्देशन गरेको फिल्ममा उनी अतिथि भुमिकामा छन् । यसअघि उनले म्यान्मारकै एउटा फिल्ममा पाइलटको भुमिका गरेका थिए ।

‘फिल्मले समाज र संस्कृतिलाई जोड्ने काम गर्छ’, राजदुत ऊले भने, ‘भुकम्पको पीडामाथि बन्दै गरेको अर्थपुर्ण फिल्ममा खेल्न पाउ“दा म खुशी छु । यसले दुई देशको नागरिकलाई फरक ढंग जोडिदिने छ भन्ने मेरो विश्वास छ ।’

नेपाल–म्यान्मार फ्रेण्डसिप काउन्सिलले राजतुत ऊको विदाईमा राजधानीमा हालै एक समारोह आयोजना गरेको थियो । समारोहमा काउन्सिलका अध्यक्ष शंकर घिमिरेले राजदुत ऊको कार्यकालमा नेपालमा सम्पन्न विभिन्न परियोजनाहरुबारे प्रकाश पारेका थिए ।

अध्यक्ष घिमिरेले राजदुत लिउनको कार्यकालमा नेपालका भुकम्प पीडित विभिन्न जिल्लाहरुमा म्यान्मारको तर्फबाट सहयोग हस्तान्तरण गरिएको, काभ्रेको बालुवापाटी ढा“डागाउ“मा सामुदायिक सेलोघर निर्माण भएको, नेपाल र म्यान्मारबिच सीधा हवाई उडान शुरुवात भएको र हरेक बर्ष काठमाडौंमा म्यान्मारको वाटर फेस्टिभल ‘तिङ यान’ सम्पन्न गरिएको बताए । 

त्यस्तै नेपालको पर्यटन प्रबद्र्धनमा सघाउने गरि पहिलोपटक म्यान्मारको युवा टोलीले सगरमाथाको सफल आरोहण गरेको समेत अध्यक्ष घिमिरेले बताए । ‘यसपटक दुई देशको हितमा निकै अर्थपुर्ण सामाजिक–सांस्कृतिक गतिबिधि भए’ घिमिरेले भने, ‘यसले दुई देशको सम्बन्धलाई थप बलियो बनाउने छ ।’

राजदुत ऊले म्यान्मार फर्केर पनि आफू दुई देशको सामाजिक–सांस्कृतिक सम्बन्ध मजबुत बनाउन कार्यमा क्रियाशील हुने बताए । उनको स्थानमा नेपालका लागि म्यान्मारको नया“ राजदुत यु जा मिन्टले जिम्मेवारी सम्हालेका छन् ।


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan