Wednesday 15th of August | २०७५ श्रावण ३० बुधबार

न्यूज अभियान
हरेक खबर विशेष खबर

नेपाली फौजले अंग्रेज फौजलाई हराएको जीतगढी किल्ला क्षेत्रका घरमा एकै रङ लगाइने

न्यूजअभियान | प्रकाशित मिति : २०७५ बैशाख ७ शुक्रबार | (रासस)
newsabhiyan

बुटवल, ७ वैशाख : नेपाली फौजले अंग्रेज फौजलाई हराएको बुटवलको जीतगढी किल्लामा बुटवल उपमहानगरपालिकाले आज विजयोत्सव दिवस मनाएको छ ।

नेपालीले अंग्रेज फौजलाई हराएर विजय प्राप्त गरेको २०३ वर्ष पुगेका अवसरमा उपमहानगरपालिकाले पहिलो पटक आजको दिनलाई ‘जीतगढी विजयोत्सव दिवस’का रुपमा मनाएको हो ।

विजयोत्सव समारोहलाई सम्बोधनका क्रममा प्रदेश नंं ५ का मुख्यमन्त्री शंकर पोखरेलले ऐतिहासिक जीतगढी किल्ला प्रदेशको मात्र नभई राष्ट्रकै शिर ठाडो बनाउने ऐतिहासिक महत्वको सम्पदा भएको बताउँदै उपमहानगरले शुरु गरेको अभियानमा प्रदेश सरकारको पूर्ण सहकार्य हुने प्रतिबद्धता जनाउनुभयो ।

समारोहमा प्रदेश सरकारका आन्तरिक मामिला तथा कानुनमन्त्री कुलप्रसाद केसी, उद्योग, पर्यटन, वन तथा वातावरणमन्त्री लीला गिरी, प्रदेशसभा सदस्य बलदेव शर्मा पोखरेल, भोजप्रसाद श्रेष्ठलगायतले हालसम्म उचित संरक्षण र प्रचारप्रसारका अभावमा ओझेलमा परेको जीतगढीको मुहार फेर्न आफूहरुको पनि सहकार्य हुने प्रतिबद्धता व्यक्त गर्नुभयो ।

उपमहानगरपालिकाका प्रमुख शिवराज सुवेदीले पर्यटकीय दृष्टिले पनि निकै महत्वपूर्ण जीतगढीको संरक्षण, सम्वद्र्धन र विकासका लागि रु ५० लाख बजेट छुट्टाएर काम थालिएको बताउँदै उक्त स्थानमा हालसम्मकै ठूलो राष्ट्रिय झण्डा र कर्णेल उजिरसिंहको पूर्ण कदको शालिक बनाइने जानकारी दिनुभयो ।

जीतगढी क्षेत्र रहेको बुटवल वडा नंं १ र २ का घरमा एउटै प्रकारको रङ लगाई बस्तीलाई पुरातात्विक क्षेत्रका रुपमा विकास गरिने तथा किल्ला क्षेत्र अतिक्रमण गरेर बनेका घर र अन्य संरचना विस्तारै हटाइने बताइएको छ । अहिले वडा नंं १ को कार्यालय रहेको क्षेत्रमा जीतगढी युद्ध संग्रहालय बनाइने लक्ष्य रहेको नगर उपप्रमुख गुमादेवी आचार्यले बताउनुभयो । जीतगढी किल्लामा कार्यक्रम हुनुअघि विभिन्न साँस्कृतिक प्रस्तुतिसहितको प्रभातफेरी निकालिएको थियो । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan