Tuesday 16th of October | २०७५ असोज ३० मंगलबार

न्यूज अभियान
हरेक खबर विशेष खबर

सामुदायिक रेडियोसम्बन्धी नीति चाँडो ल्याइन्छ : राज्यमन्त्री बाँस्कोटा

न्यूजअभियान | प्रकाशित मिति : २०७५ जेठ १४ सोमबार | (रासस)
newsabhiyan

काठमाडौँ, १४ जेठ । सञ्चार तथा सूचना प्रविधि राज्यमन्त्री गोकुलप्रसाद बाँस्कोटाले सामुदायिक रेडियोसम्बन्धी नीति चाँडो ल्याइने बताउनुभएको छ ।

त्रिभुवन विश्वविद्यालय केन्द्रीय आमसञ्चार तथा पत्रकारिता विभाग र सामुदायिक रेडियो प्रसारण संघले आज यहाँ आयोजना गरेको अन्तरक्रियामा राज्यमन्त्री बाँस्कोटाले १८ वर्षदेखि देशमा सञ्चालित सामुदायिक रेडियोको अनुभवबाट सिकेर समुदाय र सिंगो राष्ट्रको विकासका लागि व्यावहारिक र आवश्यकताको आधारमा उक्त नीति यथाशीघ्र ल्याइने बताउनुभयो ।

समाजलाई सूचना तथा समाचार प्रवाहको उद्देश्य व्यावसायिक र सामुदायिक रेडियोका बीच फरक रहेका कारण उनीहरुलाई सरकारले उपलब्ध गराउने सहुलियत तथा सुविधा फरक हुने उहाँको भनाइ थियो ।

राज्यमन्त्री बाँस्कोटाले विभिन्न कलाकारको सिर्जनालाई रेडियोले प्रसारण गरी आम्दानी गर्ने हुँदा त्यसको अभिलेख राखेर रोयल्टी वितरण पारदर्शी बनाउनुपर्ने बताउनुभयो ।

प्रदेशसभा सदस्य कृष्ण राईले सामुदायिक रेडियोको संरक्षणका लागि स्थानीय तहले भूमिका निर्वाह गर्नुपर्नेमा जोड दिनुभयो ।

त्रिभुवन विश्वविद्यालयका उपकुलपति डा तीर्थ खनियाँले मुलुकमा पत्रकारिता क्षेत्रको विकासका लागि उक्त विषयको पठनपाठनको व्यवस्था थप गर्दै लैजाने प्रतिबद्धता व्यक्त गर्नुभयो ।

केन्द्रीय आमसञ्चार तथा पत्रकारिता विभागका प्रमुख चिरञ्जीवी खनालले सामुदायिक रेडियोले सम्बन्धित क्षेत्र तथा समुदायको समस्यालाई सम्बोधन गर्न नसकेकामा चिन्ता व्यक्त गर्नुभयो ।

सामुदायिक रेडियो प्रसारण संघका अध्यक्ष सुवास खतिवडा, रेडियोकर्मी घमराज लुइँटेल, उपेन्द्र अर्याललगायतले रेडियोले स्थानीय मौलिकतालाई प्राथमिकता दिएर सन्देश प्रसारण गर्नुपर्ने विचार व्यक्त गर्नुभयो । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan