Sunday 16th of December | २०७५ पौष १ आइतबार

न्यूज अभियान
हरेक खबर विशेष खबर

इरानी विदेशमन्त्री भारत जाने

न्यूजअभियान | प्रकाशित मिति : २०७५ जेठ १४ सोमबार | (रासस/सिन्ह्वा)
newsabhiyan

तेहरान, १४ जेठ । इरानी विदेशमन्त्री मोहमद जाभेद जरिफले अगामी आइतबारबाट भारतको भ्रमण सुरु गर्नुहुने भएको छ ।

उहाँ द्विपक्षीय वार्ताको लागि आइतबार भारततर्फ जान लाग्नुभएको इरानी सरकारी समाचार समिति इर्नाले जनाएको छ ।

दुबै देशको राजनीतिक र आर्थिक पक्षमा छलफल हुने अपेक्षा गरिएको यस वार्ताको प्रतिनिधिमण्डलमा जरिफ प्रमुख रहनुहुने इरानको विदेश मन्त्रालयका प्रवक्ता बारम कासेमीलाई उद्धृत गर्दै इरानको समाचार समिति इर्नाले जनाएको छ ।

यस भ्रमणको क्रममा उहाँले आफ्ना भारतीय समकक्षीलगायत सरकारी उच्चस्तरीय व्यक्तिहरुसँग भेटवार्ता गर्नुहुने छ ।

साथै भेटवार्ताको क्रममा पछिल्लो समयमा क्षेत्रीय र अन्तर्राष्ट्रियस्तरमा उठेका विविध समसामयिक विषयहरुको समिक्षा गरिने पनि इरानको विदेश मन्त्रालयद्वारा प्रकाशित विज्ञप्तिमा जनाइएको छ ।

गत फेब्रुअरीमा इरानका राष्ट्रपति हसन रोहानीले भारत भ्रमणका लागि राजधानी नयाँ दिल्ली पुग्नुभएको थियो । सो भ्रमणको क्रममा दुई देशको आर्थिक पक्षलाई समेट्ने नौ वटा सम्झौताहरु भएका थिए ।

इरान र भारतबीच मित्रवत सम्बन्ध रहदै आएको र कैयौँ क्षेत्रमा महत्वपूर्ण व्यापारिक सम्भौताहरु पनि भएका समाचारमा जनाइएको छ । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan