Saturday 20th of October | २०७५ कार्तिक ३ शनिबार

न्यूज अभियान
हरेक खबर विशेष खबर

गोरेले आत्मसमर्पण गर्नुको रहस्य यस्तो !

न्यूजअभियान | प्रकाशित मिति : २०७५ जेठ ३१ बिहिबार |
newsabhiyan
newsabhiyan

काठमाडौं, ३१ जेठ । सर्वाधिक खोजीको सूचीमा रहेका ३३ किलो सुन काण्डका मुख्य आरोपी चुडामणि उप्रेति उर्फ गोरेले प्रहरी समक्ष आत्मसमर्पण गर्नाको मुख्य रहस्य फेला पारेको छ ।

गृहमन्त्रालयले सुन काण्डको बारेमा अध्ययन अनुसन्धान गर्नका लागि मन्त्रालयका सहसचिव इश्वरीप्रसाद पौडेलको संयोजकत्वमा एउटा समिति बनाएर छानविन सुरु गर्यो ।

त्यसपछि छानविनका क्रममा प्रहरीका अवकास प्राप्त डिआइजी गोविन्द निरौला, बहालवाला एसएसपी दिवस लोहनी, डिएसपी प्रजित केसीसहितका प्रहरी अधिकारी र अन्य गरी ६३ जना पक्राउ परे । त्यसपछि उनीहरुको बयानका आधारमा सुन तस्करीका मुख्य नाइके गोरे भएको खुल्यो ।

तर, गोरेलाई पत्ता लगाउन प्रहरीले सकेन । त्यसपछि प्रहरीले गोरेका विषयमा इन्टरपोलमा डिफ्युजन नोटिस जारी गर्यो ।

नेपालमा पक्राउ पर्ने डरले भारतमा बसेका गोरेलाई डिफ्युजन नोटिस जारी गरेपछि त्यहाँ बस्न पनि गाह्रो भयो । नेपाल आएर काठमाडौंस्थित आफन्तको घरमा केहि दिन बसे । तर, आफ्नो जीवनको असुरक्षा महसुश उनले गरिरहे । प्रहरीले इन्काउन्टरका रुपमा मार्ने डर गोरेलाई थियो ।

त्यसपछि उनले आफ्नो ज्यान बच्ने निश्चित भएपछि आत्मसमर्पण गर्ने निधो गरे । र श्रीमतिलाई राजनीतिक रुपमा बाटो तय गर्नका लागि सुझाए । 

श्रीमानको आग्रहपछि गोरेकी श्रीमति राजनीतिक पावर लगाउनका लागि लागिन । घर मोरङ भएका गोरेकी श्रीमतिको माओवादीका तर्फबाट राष्ट्रियसभा सांसद विनु पोखरेलसंग सामान्य नाता पथ्र्यो ।

श्रीमति तिनै विनुलाई भेट्न उनको घरमा पुगिन । उनको घरमा गएर श्रीमतिले आफ्नो श्रीमानको ज्यान बचाइदिन अनुनय विनय गरिन ।

विनुका श्रीमान सावित्री कुमार काफ्ले तत्कालिन माओवादीका प्रदेश नं १ का इञ्चार्ज थिए । त्यतिमात्र होइन, उनी पहिला माओवादी छोडेर अहिलेका गृहमन्त्री रामबहादुर थापा बादल संग संगै बैद्य माओवादीमा गएका थिए । र, पछि उनीसंगै फर्किएका थिए ।

स्रोतका अनुसार थापाका विश्वासपात्र काफ्लेलाई श्रीमति विनुले गोरेको ज्यान बचाइदिन गृहमन्त्रीलाई भनिदिन आग्रह गरीन । त्यसपछि श्रीमतिको भनाई अनुरुप काफ्ले मन्त्री बादललाई भेट्न पुगे ।

र, गोरेका बारेमा बेली विस्तार लगाए । ज्यानको सुरक्षा हुने भएपछि गोरे आत्मसमर्पण गर्न राजी भएको र त्यसको जिम्मा आफुले लिने काफ्लेले बताए । यति भएपछि मन्त्री बादललाई के चाहियो । उनलाई सुन काण्डमा आफु सफल हुनु थियो ।

गोरेलाई पक्रनु नै आधा सफलता हात लागेको हुने बादलले निष्कर्ष निकाले । त्यसपछि काफ्लेका अगाडि नै प्रहरी महानिरिक्षकलाई टेलिफोन गरी गोरे आत्मसमर्पण गर्न तयार रहेकोले त्यसका लागि तयारीमा जुट्न निर्देशन दिए ।

त्यो संगै उनले गोरेको जिवन कुनै पनि हालतमा तल माथि हुन नहुने, भए आफुले कसैलाई पनि नछोड्ने कडा निर्देशन दिए । त्यसको अर्को दिन विहान प्रहरीले गोरेलाई पक्राउ गरेको जानकारी दियो ।

उनलाई प्रहरीले पक्राउ गरेको नभई गोरे आफ्नो जिवनको सुरक्षा हुने ज्ञारेन्टी भएपछि आत्मसमर्पण गरेका हुन् । गोरेलाई प्रहरीले जिल्ला अदालत मोरङमा उपस्थित गराइसकेको छ ।

उनको बयान सकिएको छ । बयान सकिएपछि गोरेलाई थप अनुसन्धानका लागि काठमाडौंको सेन्ट्रल कारागारमा राखिएको छ । अभियान टाइम्सका साथमा ।


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan