Wednesday 19th of September | २०७५ असोज ३ बुधबार

न्यूज अभियान
हरेक खबर विशेष खबर

सक्रिय गाईपालक कृषकलाई प्रोत्साहनस्वरुप रु बीस हजार

न्यूजअभियान | प्रकाशित मिति : २०७५ असार ९ शनिबार |
newsabhiyan

ताप्लेजुङ, ९ असार (रासस) : ताप्लेजुङको सिदिङ्वा गाउँपालिकाका गाईपालक कृषकले प्रोत्साहनस्वरुप रु २० हजार पाउने भएका छन् ।

आफ्नो गाउँपालिकालाई दूधमा आत्मनिर्भर बनाउने उद्देश्यसहित गाईपालक कृषकलाई प्रोत्साहन दिन गाउँपालिकाले यस्तो निर्णय गरेको हो । कम्तीमा दुई वटा गाई पालेका कृषकलाई गोठ सुधारका लागि रु १५ हजार र दानापानीका लागि रु पाँच हजार गरी रु २० हजार नगदै प्रोत्साहनस्वरुप दिने कार्यविधि बनाइएको गाउँपालिका अध्यक्ष नरबहादुर कडरियाले जानकारी दिनुभयो । यसका लागि रु १० लाख बजेट छुट्याइएको छ ।

उक्त प्रोत्साहन रकम वडा नम्बर १ र ७ देखि बाहेकका वडाका कृषकले मात्रै पाउने कडरियाले बताउनुभयो । यी दुई वटा वडाले पहिलेदेखि नै पशु स्वास्थ्य कार्यालयबाट गोठ सुधारकै लागि छुट्टै रकम पाउँदै आएकाले गाउँपालिका स्तरबाट नपाउने भएका हुन् ।

प्रोत्साहन रकम लिनका लागि कृषकले दैनिक सात लिटर दूध उत्पादन गरेको हुनुपर्नेलगायतका नियम बनाइएको छ भने नियम पालना भए÷नभएको अनुगमनसमेत गरिने भएको छ । यसरी प्रदान गरिने रकम गाईको स्याहारदेखि बाहेकका काममा खर्च गर्न नपाउने प्रावधानसहित वितरण गर्ने तयारी भएको हो । एक वडामा बढीमा १० जना सक्रिय कृषकलाई छनोट गरी वितरण गरिने बताइएको छ ।

पशुपालनका हिसाबले जिल्लाका अन्य क्षेत्रको तुलनामा सिदिङवा गाउँपालिका निक्कै अघि रहे पनि पछिल्लो समयमा पछि पर्दै गए पछि यस्तो नीति अवलम्बन गरिएको गाउँपालिकाले जनाएको छ । यस गाउँपालिकामा पर्ने साविकका सुरुम्खीम, कालीखोला र सादेवा गाविसमा अन्य क्षेत्रको तुलनामा बढी गाईगोठ रहेको बताइन्छ । गाईपालक कृषकलाई प्रोत्साहन दिने निधो भएसँगै यस गाउँपालिकामा दूध उत्पादन बढ्ने र किसानको पनि आम्दानी बढ्न सक्ने गाउँपालिकाको विश्वास छ । 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan