Saturday 15th of December | २०७५ मङ्सिर २९ शनिबार

न्यूज अभियान
हरेक खबर विशेष खबर

मोदीमा चिस्यान केन्द्र भवन अधुरै

न्यूजअभियान | प्रकाशित मिति : २०७५ कार्तिक ३० शुक्रबार | (रासस)
newsabhiyan

कुश्मा, ३० कात्तिक । मोदी गाउँपालिका–२ कृषि उत्पादन सङ्कलन गर्ने उद्देश्यका साथ निर्माण गरिएको चिस्यान केन्द्र (शीतभण्डार) अधुरै रहेको छ । बजेट अभावका कारण निर्माण पूरा हुन नसकेको हो ।

चिस्यान केन्द्र अधुरै रहेपछि उत्पादन गरेको वस्तु भण्डार गरी आम्दानी गर्ने कृषकको इच्छा तत्काल पूरा नहुने भएको छ ।

आर्थिक वर्ष २०७३÷७४ देखि चिस्यान केन्द्र निर्माण शुरु भएको हो । अहिले बजेट अभावका कारण सो कार्य अलपत्र छ । स्थानीयवासी खेमबहादुर हमालले उपलब्ध गराएको पाँच आना जग्गामा सो चिस्यान केन्द्र भवन निर्माण थालिएको हो ।

निर्माण समितिका अध्यक्ष गङ्गा तिमिल्सिनाका अनुसार शुरुको वर्ष रु ५० लाख विनियोजन भए पनि रु २४ लाखभन्दा बढी बजेट प्राप्त हुन सकेन । “बजेट थप आएपछि काम शुरु गर्ने योजना छ”, उहाँले भन्नुभयो । बजेट अभावले काम रोकिएपछि कृषक निराश छन् । एक वर्षमै काम सक्ने लक्ष्यका साथ चिस्यान केन्द्र निर्माण थालिएको हो ।

अहिलेसम्म खर्च गरेर बनाइएको संरचना जीर्ण बन्दै गएको छ । थप बजेट आउने वा नआउने कुनै टुङ्गो छैन । मोदी–२ देउपुरका वडाध्यक्ष विकास तिमिल्सिना चिस्यान केन्द्र निर्माण गर्न बजेट विनियोजनको पहल भइरहेको बताउनुहुन्छ । मोदी गाउँपालिकाका देउपुर, देउराली, भुक, तिलाहार, राम्जादेउराली, लेस्पार र क्याङ कृषिजन्य वस्तु उत्पादनका पकेट क्षेत्र हुन् ।


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan