Thursday 21st of September | २०७४ असोज ५ बिहिबार

न्यूज अभियान
हरेक खबर विशेष खबर

विदेशमा रहेका नेपाली ठूलो र सुरक्षित बजार

न्यूजअभियान | प्रकाशित मिति : २०७३ पौष १० आइतबार
newsabhiyan
newsabhiyan

काठमाडौँ, १० पुस । संस्कृति, पर्यटन तथा नागरिक उड्डयनमन्त्री जीवनबहादुर शाहीले नेपाल वायुसेवा निगमबाट हुने सेवालाई यथाशक्य छिटो गुणस्तरीय र प्रभावकारी बनाइने प्रतिबद्धता व्यक्त गर्नुभएको छ ।

व्यवस्थापिका–संसद्, अन्तर्राष्ट्रिय सम्बन्ध तथा श्रम समितिको आजको बैठकमा उहाँले विभिन्न पेसा व्यवसाय र रोजगारीका लागि मुलुक बाहिर ५० लाखको सङ्ख्यामा रहेका नेपाली नागरिक मात्रै पनि निगमका लागि ठूलो र सुरक्षित बजार भएको उल्लेख गर्नुभयो ।

बैठकमा नेता माधवकुमार नेपालले कार्यकारीले काम गर्न चाहने तर गैरकार्यकारीले रोक्ने प्रवृत्ति विकासको बाधक भएको जनाउँदै संसदीय समिति विकासको बाधक बन्ने होइन, सहयोगी हुनुपर्छ भन्नुभयो ।

उहाँले भन्नुभयो, “नेपाल एयरलायन्सको नयाँ विमान ल्याउने काममा सबैले सहयोग गर्नुपर्छ, राम्रो काम गर्नेलाई हौसला प्रदान गर्नुपर्छ, दण्ड र प्रोत्साहनको प्रणाली राम्रोसँग लागू हुन सकेको छैन, पर्यटन विकासमा विशाल सम्भावना बोकेको नेपालसँग आफ्नै पर्याप्त ध्वजावाहक जहाज हुनुपर्छ ।”

नेपाल वायुसेवा निगमका जहाजको सेवा सस्तो, गुणस्तरीय र समयतालिकानुरुपको हुनुपर्छ भन्दै नेता नेपालले अरुले चलाएका पुराना कबाडी जहाज नेपाल भित्र्याउने होइन, नयाँ दुई चार वटा होइन सय वटा खरिद गर्नुपरे पनि तयार हुनुपर्छ भन्नुभयो । डा राजन भट्टराईले नेपाल एयरलाइन्सको व्यवस्थापन र कर्मचारीलाई ठीक ढङ्गबाट परिचालन गर्न आवश्यक भएको बताउनुभयो ।


सांसद श्याम श्रेष्ठले जहाज खाली हुने तर बजारमा टिकट नपाइने अवस्थाको अन्त्य हुन आवश्यक रहेको धारणा व्यक्त गर्नुभयो । सांसद प्रेम सुवालले वायुसेवा निगमलगायत कतिपय संस्थान कमिसनले धरासयी भएको विचार प्रकट गर्नुभयो ।

बैठकमा आमन्त्रित निगमका महाप्रबन्धक सुगतरत्न कंसाकारले अब युरोपबाट वायुयान खरिद गर्दा कमिसनको सम्भावना ठ्याम्मै नरहेको जानकारी दिनुभयो ।

निगमले वाइड बडीका दुई विमान खरिद गर्ने निर्णय अघि बढेसँगै त्यसका विषयमा उठेका प्रश्नका बारेमा छलफल गर्न समितिले संस्कृति, पर्यटन तथा नागरिक उड्डयन मन्त्रीसहित सरोकार भएका निकायसँग आवश्यक जानकारी लिएको हो ।

बैठकमा नेपाली आकाशमा नेपाली राष्ट्रिय ध्वजावाहक विमान पर्याप्त उड्नुपर्छ भन्दैसांसदले नेपाल एयरलाइन्सका लागि बजार ठूलो भए पनि विमान न्यारो बडीको हुनु तथा बजार व्यवस्थापन गर्न नसक्नु अहिलेको मुख्य चुनौतीका रुपमा रहेको देखिन्छ भन्नुभयो ।

अर्थ मन्त्रालयका सचिव शान्तराज सुवेदीले नयाँ विमानका लागि रकमको जोहो व्यवस्थापन गर्न मन्त्रालय तयार रहेको जानकारी दिनुभयो । दुई वाइड बडीको जहाज खरिद गर्न करिब रु २५ अर्ब रकम लाग्ने बताइएको छ । उक्त जहाज खरिद गर्न गरिएको अन्तर्राष्ट्रिय बोलपत्रमा नौ कम्पनीले आवेदन दिएका थिए । रासस 

न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।

न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan