Tuesday 17th of October | २०७४ असोज ३१ मंगलबार

न्यूज अभियान
हरेक खबर विशेष खबर

मह जोडीले एक लाख दिएपछि मुसहर बस्ती बनाउन एकैदिन ३५ लाख जुट्यो

न्यूजअभियान | प्रकाशित मिति : २०७३ पौष २६ मंगलबार
newsabhiyan
newsabhiyan

बर्दिबास, २६ पुस । बरिष्ठ हास्य कलाकार तथा समाजसेवी मदनकृष्ण श्रेष्ठ र हरिवंश आचार्यले मुसहर बस्ती बनाउन एक लाख नगद सहयोगको घोषणा गरेसंगै धुर्मुस सुन्तली फाउन्डेसनलाई शिलान्यास समारोहमै रु ३५ लाख बराबरको सहयोग जुटेको छ ।

फाउन्डेसनले सोमबार बर्दिबासस्थित मुसहर बस्तीमा तेस्रो एकीकृत नमुना बस्तीको शुभारम्भ गरेको हो ।

बस्तीको शिलान्यासका लागि पुगेका हास्य कलाकारद्वयले सहयोगको घोषणा गर्दै बस्ती बनाउन उल्लेख्य रकम जुट्ने विश्वास पनि व्यक्त गरे ।

“दोस्रो जनआन्दोलनको घाइतेहरूको उपचार गर्न हामीले यसैगरी एक लाख रकम प्रदान गरेर उपचार कोश खडा गरेका थियौं र सहयोगको आह्वान गरेका थियौं । यहां पनि यो घोषणासंगै बस्ती बनाउन पर्याप्त रकम संकलन हुने विश्वास लिएका छौं,” कलाकार श्रेष्ठले भने ।

यसैगरी धुर्मुस, सुन्तलीले सिंगो कलाजगतको प्रतिनिधित्व गर्दै बस्ती निर्माण गर्न लागेकाले आफूहरूले सहयोगको हात बढाएको कलाकार आचार्यको भनाइ थियो ।

शिलान्यास समारोहमा विभिन्न व्यक्ति ब्यक्तित्व, सामाजिक सङ्घ संस्था र निकायबाट  ३५ लाख बराबरको सहयोग प्राप्त भएको परियोजना संयोजक अर्जुन न्यौपानेले जानकारी दिए ।

बर्दिवासका उत्साही युवाले सङ्कलन गरेको ५० हजार,  फाउण्डेशन र मुसहर समुदायबीच समन्वय गर्दै आएका महोत्तरीका सञ्चारकर्मी राजकरण महतोले रु १० हजार, कलाकार किरण केसीले रु १० हजार नगद समारोहमै हस्तान्तरण गरेका थिए ।  त्यस्तै बस्ती निर्माणका लागि पूर्वमन्त्री तथा सांसद गिरिराजमणी पोखरेलले रु १० लाख सहयोगको घोषणा गरेका छन् ।

खानेपानी तथा सरसफाइ डिभिजन कार्यालय महोत्तरीका प्रमुख देवेन्द्र झाले बस्तीमा खानेपानीको धारा जडान गर्न तीन लाख, क्रसर व्यवसायी सङ्घ महोत्तरीमा आबद्ध ब्यवसायीले  बस्तीमा निर्माण हुने ५० घरका लागि आवश्यक पर्ने ढुंगा, बालुवा र गिट्टी निःशुल्क उपलब्ध गराउने  घोषणा गरे ।

त्यसैगरि बर्दिवासका होटल व्यवसायी हिरा गौतमले एकलाख नगद प्रदान गर्ने वचनवद्धता व्यक्त गरेका छन् । त्यस्तै धनुषाका पत्रकार शैलेन्द्र क्रान्तिले आपूmले पाउने एक महिनाको पारिश्रमिक २० हजार हस्तान्तरण गर्ने बताएका छन् ।

समारोहमा बर्दिबास साना सहरी खानेपानी उपभोक्ता संस्थाका अध्यक्ष चुडामणी पोखरेलले ३० हजार प्रदान गरे भने आइतबार बर्दिबासका स्थानीय गौविन्द पौडेलले २५ हजार नगद हस्तान्तरण गरेका थिए ।

यसैबीच जिल्लाको पशुपतिनगर गाविसका तरकारी किसानले फाउण्डेशनलाई ५० हजार नगद प्रदान गर्ने बताएका छन् ।

  

 


न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुकट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan