• FB
  • FB
  • FB
Saturday 21st of January | २०७३ माघ ८ शनिबार

पर्वतको भोक्सिङमा एकिकृत घुम्ति सेवा

न्यूजअभियान | प्रकाशित मिति : २०७३ पौष २७ बुधबार

पर्वत, २७ पुस । नागरिकलाई राज्यको पहुँच सहज बनाउने उद्देश्यले जिल्लाको दुर्गम भोक्सिङ गाविसमा संचालन गरिएको एक दिने एकिकृत घुम्ती शिविर सम्पन्न भएको छ । जिल्ला प्रशासन कार्यालय पर्वतको नेतृत्वमा जिल्लाका सबै कार्यालयहरुले एकिकृत रुपमा सेवा प्रवाह गराएका थिए ।

शिविरमा जिल्ला विकास समिति, जिल्ला कृषि विकास कार्यालय, जिल्ला शिक्षा कार्यालय, जिल्ला पशु सेवा कार्यालय, जिल्ला आयुर्वेद स्वास्थ्य कार्यालय, जिल्ला भू संरक्षण कार्यालय, बन कार्यालय, जिल्ला स्वास्थ्य कार्यालय, जिल्ला घरेलु तथा साना उद्योग विकास समिति, महिला तथा बालबालिका कार्यालय, जिल्ला निर्वाचन कार्यालय लगायतका कार्यालयहरुले सेवा प्रवाह गरेका थिए । शिविरबाट सयौ मानिसहरुले प्रत्यक्ष रुपमा सेवा लिएका छन् ।

शिबिरमा प्रमुख जिल्ला अधिकारी शम्भु प्रसाद मरासिनीले स्थानीय भिम कुमारी नेपालीलाई नागरिकता, टिकु मल्ललाई जेष्ठ नागरिक परिचय पत्र वितरण गरेर शिविरको शुभारम्भ गरेका थिए ।

गाउँमानै सेवा पाउँदा आफू निकै खुसि भएको स्थानीय टिकु मल्लले खुसि व्यक्त गरे । उमेरले नेटो काटेका उनी गाउँमानै राज्यले सेवा प्रवाह गरी जेष्ठ नागरिकको परिचय पत्र प्राप्त गरेपछि निकै खुसि भए । यहि पत्र बनाउनको लागि कुश्मा धाउनुपर्ने बाध्यता थियो, धेरै खर्च हुन्थ्यो तर गाउँमानै सोहि सेवा पाएकोमा म खुसी छु, उनले भने ।

त्यस्तै स्थानीय भिम कुमारी नेपालीले पनि आफ्नै गाउँमा नागरिकताको प्रमाण पत्र प्राप्त गरीन् । नेपाली नागरिकताको प्रमाणपत्र प्राप्त गरेकी उनले गाउँमानै सदरमुकामबाट पाउने सेवा पाउँदा खुसि लागेको बताइन् ।

प्रमुख जिल्ला अधिकारी शम्भु प्रसाद मरासिनीले राज्यको सुबिधाहरु विकट गाउँमा रहेका नागरिकसम्म सहज ढंगले पुराउन शिबिर महत्वपूर्ण हुने बताए । उनले राज्यले नागरिकलाई गाउँमानै सेवा दिने उदेश्यका साथ हरेक बर्षमा यसरीनै दुइ वा सो भन्दा बढी घुम्ती शिविरको आयोजना गर्ने गरेको र यसरीनै स्थानीबासीलाई आफ्नै गाउँमानै सेवा दिदै आइरहेको बताए ।

जिल्ला विकास समितिले गरेको सार्वजानिक सुनुवाई कार्यक्रममा अधिकांश स्थानीयबासीले गाउँमा आवश्यक विकासका पुर्वधारको अभाव रहेको गुनासो गरेका थिए । गाउँमा सिचाई, खानेपानीको राम्रो व्यवस्थापन नभएको स्थानीयको गुनासो थियो ।

त्यसैगरी स्थानीयबासीले गाउका विद्यालयहरुमा चाहे र सोचअनुसारको गुणस्तरीय शिक्षाको अभाव रहेको औलाएका थिए । उनीहरुले जिल्ला विकास समिति र उसका मातहतका रहेका विकासे अड्डाहरुले दिने सेवाको बारेमा गुनासो तथा समस्या राखेका थिए ।

जिल्लाका दक्षिणी भागमा रहेका लुंखुदेउराली, पाखापानी, होश्राङ्दी, बालाकोट, बाच्छा, पाङराङ लगायतका गाविसका सेवाग्राहीहरुलाई समेट्ने गरी उक्त शिविरको आयोजना गरीएको थियो । घुम्ती शिविरमा जति स्थानीयबासीको सहभागिता हुनुपर्ने थियो त्यति सहभागीता भने हुन सकेको थिए । सूचनाको प्रवाह हुन नसकेकोले पनि स्थानीयको सहयाभागिता कम हुन गएको देखिन्थ्यो ।

एनभिएम ग्रुपद्वारा संचालित यस् न्यूज अभियान डट कममा तपाईं हामीसँग फेसबुकट्वीटर मार्फत पनि जोडिन सक्नुहुन्छ । फेसबुक र ट्वीटरमा जोडिएर चाडो समाचार पाउनुहोस् ।

ताजा भिडियो ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan