मलेसियामा काम गर्दा गर्दै दुर्घटनामा परेका संजिपको जुट्दै उपचार खर्च !

न्यूजअभियान | प्रकाशित मिति : २०७२ चैत १४ आइतबार |

काठमाण्डौ । वैदेशीक रोजगारिको शिलशिलामा एक वर्ष अगाडी ठूलो सपना लिएर मलेसिया गएको रामेछाप जिल्ला, रामेछाप नगरपालिका वडा नं. ५ स्थिाई निवासी संजिप तमाङको सपना अधुरै रह्यो ।

मलेसियाको एक कम्पनीमा काम गर्दा गर्दै दुर्घटनामा परेका संजिप तमाङ अहिले प्रवासमा राम्रो उपचार नहुने भएपछि नेपाल आएकाछन् । मलेसियाको सेलागरमा रहेको केनवोंन कार्टुन एस डी एन बि एच डी कम्पनीमा कार्यरत संजिप फेब्रुअरी ५ तारिखका दिन बिहान ९ बजेतिर दुर्घटनामा परेका थिए ।

दैनिक ड्युटिमा रहेकाबेला कार्टुन प्रिन्ट गर्ने मेसिनमा दायाँ हात पर्न गई पुरै हात पिल्सिएको र नाडीको हड्डी फुटेको अवस्थामा छन् । घटना पछि संजिपलाई कम्पनीले उपचारका लागि अस्पताल लगेको थियो । पाँच दिन अस्पतालमा उपचार पश्चात उनी होस्टलमा बसिरहेका थिए ।

श्रमिकहरुको लागि विदेशमा राम्रो उपचार नहुने भएको कारण उनी तत्कालै नेपाल फर्किएका हुन । नेपाल फर्किए लगतै उनी महाराजगञ्ज स्थित टिचिङ्ग अस्पतालमा भर्ना भैई उपचार गराई रहेकाछन् । ऋण गरेर गएको रकम तिरि नसक्दै दुर्घटना भएपछि उनलाई थप आर्थिक भार परेको छ ।

उपचारको क्रममा डाक्टरको सल्लाह अनुसार ६ हप्ता पुरा भएपछी हातमा राखिएको स्टिल निकालेर नशाको अपरेशन गर्नुपर्ने भनिएको छ । र साथै सर्जिकल अपरेशन पनि गर्नु पर्ने भनिएको छ जसका लागि नाम दर्ता गरिएको र आफ्नो पालो कुर्दा बैशाख २६गते पर्ने बताईएको छ ।

न्यूज अभियान डटकमद्धारा सञ्चालित न्यूज अभियान अक्षय कोष मार्फत सहयोगको अपिल भन्ने समाचार सम्प्रेसन गरे पश्चात सहयोग जुट्ने क्रम जारि छ ।

अहिलेसम्म जुटेको सहयोग रकम निम्न प्रकार छन् :

१, फुर्तेंजी शेर्पा : ताइवान रु १०,०००
२, प्रदिप तमाङ : दुबई रु १०,०००
३, न्यूज अभियान अक्षय कोष : रु २०००
४, सागर श्रेष्ठ : काठमाडौं रु १०००
५, छायाँचन्द्र भण्डारी : काठमाडौं : रु १०००
६, उद्धव तमाङ : काठमाडौं : रु ५०००
७, रोजिना लामा, काठमाण्डौ : रु ५००
८,;केनवोंन कार्टुन कम्पनीमा कार्यरत संजिपका साथीहरु (मलेसिया) बाट : रु ७०००
९, जङ्ग तामङ , इजरायल - रु - ५०००

ईच्छुक नेपाली दाजुुभाई दिदी बहिनी र आफन्तहरुबाट सहयोगको अपेक्षा गरिएको छ । निज संजिप तमाङलाई सहयोग गर्न चाहानुहुने महानुभावहरुले निम्न खातामा रकम पठाएर सहयोग गर्न सक्नु हुनेछ ।

तपाईले गरेको सहयोगको विवरण न्यूज अभियान डटकममा पारदर्शि रुपमा अपडेट गरिने छ र तपाईले पठाउँनु भएको रकम सम्बन्धित व्यक्तिलाई हस्तानतरण गरि वहाँले पाएको रकमको भिडियो सहित न्यूज अभियान डटकममा प्रसारण गरिने छ ।