न्यूज अभियान
हरेक खबर विशेष खबर

साउदी अरब, टर्की र पाकिस्तानका उच्च अधिकारीहरू इरानको राजधानी तेहरानमा हुने क्षेत्रीय सुरक्षा बैठकमा सहभागी हुने भएका छन् । इरानको सर्वोच्च राष्ट्रिय सुरक्षा परिषद्का उपसचिव अली बाघेरी कानीले सोमबार यसबारे जानकारी दिनुभएको हो । 

    इरानको सरकारी समाचार संस्था इर्ना (आईआरएनए) का अनुसार, बैठकमा साउदी अरबका रक्षामन्त्री राजकुमार खालिद बिन सलमान बिन अब्दुलअजिज अल साउद, पाकिस्तानका सेना प्रमुख जनरल सैयद आसिम मुनिर र टर्कीको राष्ट्रिय गुप्तचर सङ्गठनका निर्देशक इब्राहिम कालिन सहभागी हुनुहुनेछ ।

    बाघेरी कानीका अनुसार, हालै तेहरान भ्रमणका क्रममा पाकिस्तानी सेना प्रमुख मुनिरले इरानको सर्वोच्च राष्ट्रिय सुरक्षा परिषद्का सचिव मोहसेन रेजाईसँगको वार्तामा यसबारे जानकारी दिनुभएको थियो । 

    आगामी बैठकमा पश्चिम एसियाको क्षेत्रीय सुरक्षा अवस्थाबारे छलफल हुनेछ । बैठकमा रेजाई पनि सहभागी हुनुहुनेछ । 

    बाघेरी कानीले क्षेत्रीय मुलुकहरूबीचको सहकार्यमा आधारित सुरक्षा व्यवस्था स्थापना गर्न बैठकले योगदान पुर्‍याउने अपेक्षा व्यक्त गर्नुभयो । उहाँका अनुसार, सहभागी मुलुकहरूले क्षेत्रीय सुरक्षा सुनिश्चित गर्न बाह्य शक्तिमा निर्भर नभई आफ्नै क्षेत्रीय क्षमतामा आधारित व्यवस्था विकास गर्ने विषयमा काम गर्नेछन् ।