भारतमा विरोध प्रदर्शनमा थुनिएका व्यक्तिहरूलाई रिहा गर्न ‘यूएनएचसीआर’ को आग्रह
संयुक्त राष्ट्रसङ्घको मानव अधिकार उच्चायुक्तको कार्यालय (यूएनएचसीआर) ले शनिबार भारतलाई निर्वाचन अधिकारीहरूको कथित दुराचारविरुद्धका विरोध प्रदर्शनका क्रममा पक्राउ गरिएका निर्दोष व्यक्तिहरूलाई तत्काल रिहा गर्न आग्रह गरेको छ ।
“हामी दिल्लीमा आजका ठूला प्रदर्शनहरूभन्दा अघि र प्रदर्शनका क्रममा प्रदर्शनकारी, प्रदर्शनको नेतृत्व गरेका नेता र नागरिक समाजका सदस्य, वकिल र पत्रकारहरूको सामूहिक थुनाका रिपोर्टहरूप्रति चिन्तित छौँ,” कार्यालयले एक वक्तव्यमा भनेको छ ।
“पक्राउ गरिएका निर्दोषसबै व्यक्तिहरूलाई तत्काल र बिनासर्त रिहा गरिनुपर्छ,” वक्तव्यमा भनिएको छ ।
भारतीय लोकसभामा विपक्षी दलको तर्फबाट नेता रहेका राहुल गान्धीले प्रदर्शनप्रति आफ्नो ऐक्यवद्धता रहेको बताउनुभएको छ । दावी गर्दै भन्नुभएको छ । उहाँले उनीहरूले संविधानको रक्षा तथा भारतीय जनताको आवाजको सुरक्षाका लागि आफ्नो सङ्घर्ष जारी राख्ने दाबी गर्नुभयो ।
प्रदर्शनरत युवाहरूप्रति एकता कायम गर्न आग्रह गर्दै उनीहरूलाई आफ्नो प्रदर्शन जारी राख्न उहाँले आग्रह गर्नुभएको थियो ।
मुख्य निर्वाचन आयुक्त ज्ञानेश कुमारको राजीनामा माग गर्दै ककरोच जनता पार्टी (सीजेपी) को नेतृत्वमा जन्तर मन्त्रतर्फ प्रदर्शन गर्ने प्रयास गर्दा समाचार तयार पार्दासम्म राजधानी दिल्लीभरि करिब एक हजार प्रदर्शनकारीहरूलाई हिरासतमा लिइएको दिल्लीको प्रहरी स्रोतहरूले शनिबार जानकारी दिएका छन् ।
