भारतको उत्तर प्रदेशमा सडक दुर्घटनामा छ कोे मृत्यु, दुई घाइते
न्यूजअभियान | प्रकाशित मिति : २०८३ कार्तिक १६ सोमबार | (रासस/सिन्ह्वा)
भारतको उत्तरी राज्य उत्तर प्रदेशमा सोमबार बिहान भएको सडक दुर्घटनामा छ जनाको मृत्यु भएको छ भने अन्य दुई जना घाइते भएका छन् ।
स्थानीय प्रहरीका अनुसार उनीहरू सवार कार विपरीत दिशाबाट आइरहेको ठूलो सवारी साधनसँग ठोक्किएको थियो ।
राज्यको कुशीनगर जिल्लामा भएको दुर्घटनाका पीडितहरू आफन्तको घरमा आयोजित विवाहपूर्वको कार्यक्रममा सहभागी भएर फर्किंदै थिए ।
दुर्घटनामा घाइते भएका १२ र १७ वर्षका दुई किशोरलाई उपचारका लागि स्थानीय अस्पतालमा भर्ना गरिएको प्रहरीले जनाएको छ ।
