Saturday 21st of November | २०८३ मङ्सिर ५ शनिबार

न्यूज अभियान
हरेक खबर विशेष खबर

पत्रकारद्वय गौतम र झालाई ‘उत्कृष्ट शिक्षा पत्रकारिता अवार्ड’

न्यूजअभियान | प्रकाशित मिति : २०८३ मङ्सिर ५ शनिबार | (रासस)

जनकपुरधाम, ५ मङ्सिरः शिक्षा क्षेत्रका गतिविधि, उपलब्धि र चुनौतीलाई पत्रकारितामार्फत उजागर गर्दै आएका पत्रकारद्वय दिनेश गौतम र मणिका झा यस वर्षको ‘उत्कृष्ट शिक्षा पत्रकारिता अवार्ड’बाट सम्मानित हुनुभएको छ ।

    प्रधानाध्यापक सङ्घ नेपाल (पान)ले जनकपुरधाममा आयोजना गरेको तेस्रो राष्ट्रिय शिखर सम्मेलन–२०८३ को अवसरमा उहाँहरूलाई जनही नगद रु २५ हजारसहित सम्मान गरेको हो । पूर्वराष्ट्रपति डा रामवरण यादवले पत्रकारद्वयलाई अवार्ड प्रदान गर्नुभयो ।

    सोहीअवसरमा राष्ट्रिय शिक्षा पुरस्कारबाट काठमाडौँ विश्वविद्यालयका पूर्वउपकुलपति स्वर्गीय प्रा डा सुरेशराज शर्मालाई मरणोपरान्त सम्मान गरिएको छ । सङ्घले शिक्षा क्षेत्रको विकास र गुणस्तरीय शिक्षामा योगदान पु¥याउने स्थानीय तह, विद्यालय तथा प्रधानाध्यापकलाई समेत विभिन्न विधामा सम्मान गरेको छ । 

    स्थानीय सरकार पुरस्कारअन्तर्गत महानगरपालिका तथा उपमहानगरपालिकासहित प्रत्येक प्रदेशबाट उत्कृष्ट नगरपालिका र गाउँपालिकालाई सम्मान गरिएको हो ।

    त्यस्तै, विद्यालय पुरस्कारअन्तर्गत सातै प्रदेशका उत्कृष्ट सामुदायिक माध्यमिक तथा आधारभूत विद्यालय र प्रधानाध्यापक पुरस्कारअन्तर्गत उत्कृष्ट विद्यालयका प्रधानाध्यापकलाई सम्मान गरिएको छ । सङ्घका मधेस प्रदेश संयोजक सञ्जयकुमार झाका अनुसार आधारभूत र माध्यमिक तहका गरी १४ विद्यालय, १५ स्थानीय तह तथा १४ प्रधानाध्यापकलाई सम्मान गरिएको छ ।

    आधारभूत तहका उत्कृष्ट प्रधानाध्यापकतर्फ कोशी प्रदेशबाट राजेशप्रसाद यादव, मधेसबाट प्रेमकुमारी यादव, बागमतीबाट विनिता रञ्जित, गण्डकीबाट विश्वमोहन पोखरेल, लुम्बिनीबाट गङ्गा शर्मा, कर्णालीबाट ज्ञानु गुरुङ र सुदूरपश्चिमबाट मानसिंह ऐर सम्मानित हुनुभएको छ ।

    आधारभूत तहका उत्कृष्ट प्रधानाध्यापकतर्फ कोशी प्रदेशबाट राजेशप्रसाद यादव, मधेशबाट प्रेमकुमारी यादव, बागमतीबाट बिवनता रञ्जित, गण्डकीबाट विश्वमोहन पोखरेल, लुम्बिनीबाट गङ्गा शर्मा, कर्णालीबाट ज्ञानु गुरुङ र सुदूरपश्चिमबाट मानसिंह ऐर सम्मानित हुनुभएको छ ।

    त्यस्तै माध्यमिक तहतर्फ कोशीबाट डा इन्द्रमोहन झा, मधेसबाट गौरीशङ्कर चौधरी, बागमतीबाट दलबहादुर बल, गण्डकीबाट शान्त नेपाली, लुम्बिनीबाट मोहनप्रसाद सापकोटा, कर्णालीबाट खड्क रोकाया र सुदूरपश्चिमबाट लक्ष्मणदत्त भट्ट सम्मानित हुनुभएको छ ।

    प्रधानाध्यापक सङ्घका अध्यक्ष सुदाम गौतमका अनुसार मङ्सिर ४ गतेदेखि सुरु भएको सम्मेलन ६ गतेसम्म सञ्चालन हुनेछ । सम्मेलनमा देशभरबाट करिब एक हजारको सहभागिता रहेको आयोजकले जनाएको छ ।

यो खबर पढेर तपाईलाई कस्तो महसुस भयो ?

न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुक र ट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan