Saturday 21st of November | २०८३ मङ्सिर ५ शनिबार

न्यूज अभियान
हरेक खबर विशेष खबर

कमला पुल सञ्चालनको तयारी अन्तिम चरणमा

न्यूजअभियान | प्रकाशित मिति : २०८३ मङ्सिर ५ शनिबार | रासस

जनकपुरधाम, ५ मङ्सिरः सिरहा र धनुषा जिल्लालाई जोड्ने कमला नदीमाथिको निर्माणाधीन पुल सञ्चालनको तयारी अन्तिम चरणमा पुगेको छ । नदीको धार नियन्त्रण गरी पानीको बहाव पुलमुनिबाट गराउन सफल भएपछि पुल सञ्चालनका लागि आवश्यक काम अघि बढाइएको छ ।

    हुलाकी राजमार्ग आयोजना निर्देशनालय, जनकपुरधामका प्रमुख कृष्णकुमार महतोका अनुसार सिरहातर्फ तटबन्ध निर्माण गरी नदीको धार नियन्त्रण गरिएको छ । नदीको धार परिवर्तन भएसँगै पुललाई दुवैतर्फको सडकसँग जोड्ने काम भइरहेको उहाँले जानकारी दिनुभयो ।

    उहाँका अनुसार अहिले पुलको दुवैतर्फ माटो भर्ने र रेलिङ लगाउने काम भइरहेको छ । यी काम सम्पन्न भएपछि पुल सञ्चालनमा ल्याइनेछ ।

    कमला नदीमा पुल नहुँदा सिरहा र धनुषाका बासिन्दाले वर्षौंदेखि आवागमनमा कठिनाइ भोग्दै आएका थिए । विशेषगरी वर्षायाममा नदीमा पानीको बहाव बढ्दा डुङ्गाको सहारा लिनुपर्ने र जोखिम मोलेर नदी पार गर्नुपर्ने बाध्यता थियो । यसले स्थानीयवासीको दैनिक आवागमनसँगै शिक्षा, स्वास्थ्य र व्यापारिक गतिविधिमा समेत असर पुर्‍याउँदै आएको थियो । 

    धनुषाको कमला नगरपालिकाका स्थानीय सुरेश यादवले पुल सञ्चालनमा आएपछि शिक्षा, स्वास्थ्य, व्यापार र दैनिक कामकाजका लागि दुई जिल्लाबीच आवतजावत गर्न सहज हुने बताउनुभयो ।

    पुल सञ्चालनमा आएपछि कृषि उपज तथा स्थानीय उत्पादनको ढुवानी सहज हुनुका साथै किसान, व्यापारी र सर्वसाधारण लाभान्वित हुने अपेक्षा गरिएको छ। यसले सिरहा र धनुषाबीचको आर्थिक तथा सामाजिक सम्बन्धलाई समेत थप सहज बनाउने विश्वास गरिएको छ ।

यो खबर पढेर तपाईलाई कस्तो महसुस भयो ?

न्यूज अभियान डट कमको एन्ड्रोइड एपका लागि यहाँ क्लिक गर्नुहोस् । हरेक खबर विशेष खबरका लागि अफिसियल फेसबुक र ट्वीटर मार्फत जोडिनुहोस् ।


न्यूज अभियान TV - ग्यालेरी

View All
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan
newsabhiyan