न्यूज अभियान
हरेक खबर विशेष खबर

काठमाडौँ, ११ भदौः रसुवाको भोटेकोशीमा बुधबार आएको बाढीबाट उत्पन्न परिस्थितिको वस्तुस्थितिबारे जानकारी लिन नेपाल प्रहरीले आपतकालीन समन्वय केन्द्र स्थापना गरेको छ ।

प्रहरी प्रधान कार्यालय नक्सालले आज सूचना जारी गर्दै प्रहरी नायब महानिरीक्षक (डिआइजी) सुदर्शनप्रसाद कोइरालाको नेतृत्वमा प्रहरी प्रधान कार्यालयमा आज आपतकालीन समन्वय केन्द्र स्थापना गरेको हो ।

बाढीबाट प्रभावित क्षेत्रमा उद्धार, खोजी तथा राहतका गतिविधिलाई प्रभावकारी बनाउन तथा घटनासम्बन्धी सूचना सङ्कलन र आवश्यक समन्वयका लागि केन्द्र स्थापना गरिएको प्रहरीले जनाएको छ ।

आपतमा परेकाले सम्पर्कका लागि मोबाइल नं ९७६८५८२६३८ मा सम्पर्क गर्न प्रहरी प्रधान कार्यालयले अनुरोध गरेको छ ।