न्यूज अभियान
हरेक खबर विशेष खबर

काठमाडौं । नेपालस्थित अमेरिकी दूतावासले बडादशैँको अवसरमा सम्पूर्ण नेपालीमा हार्दिक मंगलमय शुभकामना व्यक्त गरेको छ। दूतावासले यस वर्षको दशैँ मनाइरहँदा हालैको बाढीबाट प्रभावित परिवार तथा आफ्ना प्रियजन गुमाएका परिवारप्रति गहिरो सहानुभूति र समवेदना प्रकट गरेको छ।

नेपालस्थित अमेरिकी दूतावास परिवारको तर्फबाट जारी शुभकामना सन्देशमा बडादशैँको पावन अवसरमा सबैको सुख, शान्ति र समृद्धिको कामना गरिएको छ।
दशैँ नेपाली समाजमा पारिवारिक मिलन, आपसी सद्भाव, प्रेम, एकता र आशाको प्रतीकका रूपमा मनाइने प्रमुख चाड हो। तर, यस वर्षको दशैँ प्राकृतिक विपत्तिबाट प्रभावित परिवारका लागि पीडा र अभावबीच मनाउनुपर्ने अवस्था पनि छ। बाढीका कारण आफ्ना प्रियजन गुमाएका तथा घरबार र सम्पत्तिमा क्षति बेहोरेका परिवारको पीडालाई स्मरण गर्दै अमेरिकी दूतावासले सहानुभूति व्यक्त गरेको हो।

दूतावासले आफ्नो सन्देशमा यस पर्वले सबैमा शान्ति, आशा र नयाँ ऊर्जा प्रदान गरोस् भन्ने कामना गरेको छ।
विपद्को पीडाबीच आएको अमेरिकी दूतावासको शुभकामना सन्देशले दुःखमा परेका परिवारप्रति सहानुभूति व्यक्त गर्दै दशैँको मानवीय भावना, आपसी सहयोग र सद्भावको महत्त्वलाई उजागर गरेको छ।