स्वास्थ्य स्वयंसेविकाद्वारा बाढी पीडितलाई आर्थिक सहयोग
न्यूजअभियान | प्रकाशित मिति : २०८३ भदौ ३१ बुधबार | (रासस)
बनेपा (काभ्रे), ३१ भदौः बनेपा नगरपालिकाका–१ देखि वडा नं १४ सम्म कार्यरत ८२ महिला स्वास्थ्य स्वयंसेविकाले रसुवाको भोटेकोशीमा गएको बाढीपहिरोबाट पीडितका लागि रु ८२ हजार सहयोग गरेका छन् ।
महिला स्वास्थ्य स्वयंसेविकाले प्रतिव्यक्ति रु एक हजारका दरले सङ्कलन गरेको रकम प्रधानमन्त्री दैवी प्रकोप उद्धार कोषमा जम्मा गरेको बनेपा नगरपालिकाका प्रमुख शान्तिरत्न शाक्यले जानकारी दिनुभयो । बाढीपहिरोबाट प्रभावित नागरिकको राहत तथा उद्धारमा सहयोग पु¥याउने उद्देश्यले स्वयंसेविकाले उक्त रकम प्रदान गरेका हुन् । सहयोगका लागि नगरपालिकाले महिला स्वास्थ्य स्वयंसेविकालाई धन्यवाद दिएका छन् ।
