न्यूज अभियान
हरेक खबर विशेष खबर

काठमाडौं । सर्वोच्च अदालतले सवारी चालक अनुमति पत्र (ड्राइभिङ लाइसेन्स) का लागि आवश्यक स्वास्थ्य परीक्षण गर्ने क्लिनिकहरूको सेवा प्रवाहमा अवरोध नगर्न सरकारका नाममा अन्तरिम आदेश जारी गरेको छ।

अदालतले स्वास्थ्य परीक्षण सेवा रोकिँदा सेवाग्राहीको संवैधानिक अधिकार प्रभावित हुने तथा लाइसेन्स वितरण प्रक्रिया नै अवरुद्ध हुन सक्ने भन्दै यथास्थितिमा सेवा सञ्चालन गर्न आदेश दिएको हो।

उक्त अन्तरिम आदेशसँगै लाइसेन्सका लागि स्वास्थ्य परीक्षण गर्दै आएका क्लिनिकहरूले हालका लागि पूर्ववत् सेवा सञ्चालन गर्न पाउने भएका छन्। अदालतले यस विषयमा अन्तिम फैसला नभएसम्म सेवामा कुनै अवरोध सिर्जना नगर्न सरकारलाई निर्देशन दिएको छ।

यस आदेशले लाइसेन्स बनाउन तथा नवीकरण गर्न स्वास्थ्य परीक्षणका लागि पुग्ने सेवाग्राहीलाई तत्काल राहत मिल्ने अपेक्षा गरिएको छ।