न्यूज अभियान
हरेक खबर विशेष खबर

काठमाण्डौ । रोजगारिको सिलसिलामा दुबई पुगेका गजलकार निश्चलले आफ्नो गलज संग्रह सिसिफस जीवन एकै दिन सार्वजनिक गरे । शुक्रबार बाठमाण्डौको एकेडेमी हलमा र दुबईको जाबील पार्कमा सार्वजनिक गरिएको हो ।

नेपाल प्रज्ञा प्रतिष्ठानका उपकुलपति डा. विष्णुविभु घिमिरेले गजलकार निश्चलको गजल संग्रह सिसिफस जीववनको विमोचन गर्दै प्रमुख अतिथि  घिमिरेले अहिले नेपाली साहित्यमा गजल विधा निकै लोकप्रिय भएको बताए । विश्व नेपाली महासंघद्वारा आयोजित विमोचन समारोहका महासंघका संस्थापक उपाध्यक्ष कवि रमेश पौडेलको सभापतित्वमा सम्पन्न विमोचन समारोहमा कृतिको समीक्षा गजलकारहरू ज्ञानुवाकार पौडेल, डा. घनश्याम न्यौपाने र जाकिर हुसेनले गर्दै  प्रवासी भूमिमा रहेर पनि निश्चलको गजल साधना प्रशंसायोग्य रहेको वताए ।

साहित्यकार, कुटनीतिज्ञ र समाजका विभिन्न क्षेत्रका व्यक्तिहरूको बाक्लो उपस्थितिरहेको विमोचन समारोहमा सार्क सचिवालयका महासचिव अर्जुन बहादुर थापा, गैर आवाशिय नेपाली संघका पूर्व उपाध्यक्ष रामेश्वर शाह, महासंघका उपाध्यक्ष सागर श्रेष्ठ , पत्रकार दामेदर नेपाल, जे.पी. सापकोटा आदिले शुभ कामना मन्तव्य दिएका थिए ।

विमोचित गजल संग्रहबाट गायक सोनाम लामाले गजल गायनको प्रस्तुति दिए  भने गजलकार  हरि मानन्धर र राधा कार्कीले गजलवाचा गरी सुनाए ।  बैदेशिक रोजगारीका सिलसिलामामा दुबईमा रहनु भएका गजलकार निश्चलका विभिन्न भावका छ दर्जन  गजलहरू सिसिफस जीवनमा संग्रहित छन् ।

यसैबीच सोही समारोहको समापनपछि विश्व नेपाली साहित्य महासंघ इजरायल शाखा र साउदी अरेविया शाखाद्वारा २०३ औं भानु जयन्तीको अबसरमा आयोजित विश्वव्यापि खुल्ला मुक्तक प्रतियोगिताका पुरस्कृतहरुलाई नगद पुरस्कार र निर्णायकहरुलाई ताम्रा पत्र द्धारा सम्मान गरिएको थियो ।